السبت، سبتمبر ١٢، ٢٠٠٩

الرد على تساؤلات "احساس لسه حي" -- جزء 2

سلام و نعمه
اولا اعتذر لتأخيري في الرد على تعليقك هنا و اللي كان لظروف مرض بنتى.
قررت افراد تدوينه خاصه للرد على تعليقك يا اخ احساس لأنى وجدت فيها نقاط متشعبه كثيره يصعب الرد عليها في تعليق.

***
. ليس احد صالحا الا واحد وهو الله .ولكن ان اردت ان تدخل الحياة فاحفظ الوصاياطيب ما الكلام واضح اهو انه انسان زيه زينا ولا جواه اله يخليه صالح ولا هو جوه الاله لان لا اله الا اللهيعنى ولا جوه حد ولا حد جواه ولا اى شئ غريب زى ده

أرجو ان حضرتك ماتكونش من النوعيه اللي بتأخذ النص و تتجاهل سياقه لأثبات شئ بعينه.

+ ها هو النص في سياقه

" 17 وَفِيمَا هُوَ خَارِجٌ إِلَى الطَّرِيقِ، رَكَضَ وَاحِدٌ وَجَثَا لَهُ وَسَأَلَهُ:«أَيُّهَا الْمُعَلِّمُ الصَّالِحُ، مَاذَا أَعْمَلُ لأَرِثَ الْحَيَاةَ الأَبَدِيَّةَ؟»
18 فَقَالَ لَهُ يَسُوعُ:«لِمَاذَا تَدْعُونِي صَالِحًا؟ لَيْسَ أَحَدٌ صَالِحًا إِلاَّ وَاحِدٌ وَهُوَ اللهُ.
19 أَنْتَ تَعْرِفُ الْوَصَايَا: لاَ تَزْنِ. لاَ تَقْتُلْ. لاَ تَسْرِقْ. لاَ تَشْهَدْ بِالزُّورِ. لاَ تَسْلُبْ. أَكْرِمْ أَبَاكَ وَأُمَّكَ».
20 فَأَجَابَ وَقَالَ لَهُ:«يَا مُعَلِّمُ، هذِهِ كُلُّهَا حَفِظْتُهَا مُنْذُ حَدَاثَتِي».
21 فَنَظَرَ إِلَيْهِ يَسُوعُ وَأَحَبَّهُ، وَقَالَ لَهُ:«يُعْوِزُكَ شَيْءٌ وَاحِدٌ: اِذْهَبْ بِعْ كُلَّ مَا لَكَ وَأَعْطِ الْفُقَرَاءَ، فَيَكُونَ لَكَ كَنْزٌ فِي السَّمَاءِ، وَتَعَالَ اتْبَعْنِي حَامِلاً الصَّلِيبَ».
22 فَاغْتَمَّ عَلَى الْقَوْلِ وَمَضَى حَزِينًا، لأَنَّهُ كَانَ ذَا أَمْوَال كَثِيرَةٍ. "
انجيل مرقس 10



اولا السيد المسيح لم يقل له "لا تدعونى صالحا" بل قال "لماذا تدعونى صالحا. هناك فرق يا اخى الفاضل.
ثانيا السيد المسيح يقول عن نفسه "انا هو الراعي الصالح"
11 انا هو الراعي الصالح . والراعي الصالح يبذل نفسه عن الخراف .(يوحنا 10)

فأن كان يقول "ليس احد صالح الا واحد و هو الله" و ايضا يقول "انا هو الراعي الصالح"... فكيف نقول انه ينكر عن نفسه الطبيعه الألهيه؟؟
ايضا لكي تفهم اى نص مقدس يجب ان تطلع على تفسيره. و لكي لا اطيل عليك هنا سأضع لك بعض الروابط و يمكنك ان تقرأها بنفسك لو كنت مهتم بالموضوع و بنعمة ربنا انا تحت امرك في اى تساؤل جديد
+ تفسير العهد الجديد للقمص تادرس يعقوب انظر جزء رقم 3 بعنوان الغنى و التبعيه للمسيح

ثالثا انت تقول: ولا جواه اله يخليه صالح ولا هو جوه الاله
و هذا خطأ لأننا لا نؤمن ان السيد المسيح "جواه اله" ولا انه "جوة الأله". بل نؤمن بالفعل ان هناك اله واحد هو الرب الخالق العظيم القدير.
السيد المسيح هو كلمة الله الظاهر في الجسد. السيد المسيح انسان كامل ناسوته متحد بلاهوته لكن بلا اختلاط ولا تغيير. اى ان الناسوت لم يضفي طبيعه انسانيه على اللاهوت و اللاهوت لم يعطي الناسوت صفات الهيه.
بمعنى انه السيد المسيح لما كان بيجوع و يعطش و يتألم بالجسد....هذا لا يعنى ان اللاهوت يعطش و يجوع و يتألم.

الله لا يتجزأ و بالتالي جملة "اله جواه" ليس لها معنى.


****
واكرر كلامى انى بس عاوز اوضح على مطاطيه الدين فى المسيحيه ان اللى يرفضه البابا زمان ممكن يقبله دلوقتى ومش يقبله بس ده يرضى عنه

سيدي الفاضل هذه المطاطيه لا توجد الا في مخيلتك!! فلم نري ان البابوات اختلفوا في اسس العقيده المسيحيه.

انت بتسأل عن زى المرأه و ملابسها و لا اعتقد ان ده من اسس العقيده. الناس بشكل عام مش المرأه بس لبسها بيتغير بتغير الزمان و المكان. المبدأ الثابت هو الأحتشام في المظهر و هذا لم و لن يختلف عليه احد.

*****

اما عن النصيحه للبس الغير لائق مبقاش موجود ولا انتى مش بتروحى الكنيسةولا فيه نصح ولا اعتراض

يعنى هو حضرتك اللي نايم قايم في الكنيسه مثلا؟؟؟ :)
طبعا باروح الكنيسه و باشوف سيدات و فتيات في منتهي الحشمه .... مع انى عايشه في مجتمع غربي :)

هناك النماذج السيئه و الجيده في كل مجتمع يا سيد احساس. كونك تركز فقط على النماذج السيئه فهذه نظره سلبيه للغايه و قد تعطي انطباع سئ عن شخصيتك و تفكيرك
اما عن النصح و الأرشاد فلا اعتقد انك تستطيع الجزم بوجوده من عدمه. فمع احترامي انت ما دخلتش كل كنيسه و سألت كل اب كاهن بيقول ايه للناس!!!

****

ودلوقتى فى الغرب بيروحوا يتزوجوا وعليهم فى ايدهم والقسيس بقه بالنسباله ده شئ عادى وطبيعى

طرحت هذه النقطه في تعليق لك على مدونه الأخ خادم المسيح و كا ن ردي عليك وقتها انك لا تعرف ما دار من حوار بين هؤلاء و بين الكاهن اللي اجري اجراءات الزواج....


ولا تستطيع ان تجزم انهما لم يتوبا عن الخطيئه ولا ان الكاهن لم يرشدهما للتوبه.

****
اما عن ردود فعل العلماء المسلمين فلن تختلف فى الثوابت وللمسلمين ائمة ومذاهب بياخد بيها المسلم وجبيلى اختلاف فى حلال او
و هل زى المرأه من ثوابت العقيده يا اخ احساس؟؟ :)
عموما هناك اختلافات بالفعل حول وجوب النقاب مثلا. و اختلافات في مواضيع اخري مثل حد الرده.

****
متعمليش زى خادم المسيح اللى سايب اكبر ائمة التفسير زى ابن كثير والقرطبى والجلالين ورايح يجبلى تفسير لشيخ من مئات التفاسير اللى عندنامش معنا ساب الائمة الكبار واختار التفسير ده

و لو انى لم اكن احب التطرق للأسلاميات في ردي الا انك اثرت هذه النقطه و احب اعلق عليها بايجاز...
المشكله يا اخى الفاضل ان التفاسير كتيره موجوده.... و معنى اعتراضك على ما اختاره الأخ خادم المسيح انك شايف فيه اختلاف بين تفاسير الأئمه الكبار و بين التفسير اللي اختاره الأخ خادم المسيح....(يعنى فيه اختلافات اهو)...
مين يقول ان مفيش مسلم او جماعه مسلمين ياخدوا بتفسير غير اللي انت تاخد بيه و غير اللي محمد في ايران ياخد بيه و مصطفي في تركيا ياخد بيه؟!


****

ولما قوتله انجيل برنابا اعترض وسخن وقال غير معترف بيه
ما علينا

Bold

لأ ما علينا ايه بقي!!! طالما حضرتك اثرت نقطه يبقي تحت امرك نناقشها بنعمة ربنا :)

انجيل برنابا ... او هاسميه "كتاب برنابا" لأن كلمة انجيل لا تنطبق عليه....

كتاب برنابا ده يا سيدي الفاضل و بأعتراف كتاب مسلمين و مسيحيين و ملحدين كمان تمت كتابته في القرن ال15 تقريبا...

و اليك بعض الأمثله على ذلك

د. محمد شفيق غربال: "هو إنجيل مزيف وضعه أوربي من القرن الخامس عشر وفي وصفه للوسط السياسي والديني في القدس أيام المسيح أخطاء جسيمة. كما يصرح على لسان عيسي أنه ليس المسيح إنما جاء مبشراً بمحمد الذي سيكون المسيح".



عباس محمود العقاد: بعد أن فند هذا الآنجيل إنتهى إلى أنه آنجيل مزيف: "فيه أخطاء لا يجهلها اليهودي المطلع على كتب قومه، ولا يرددها المسيحي المؤمن بالأناجيل، ولا يتورط فيها المسلم الذي يفهم ما في إنجيل برنابا من التناقض بينه وبين القرآن". (جريدة الأخبار 26/10/1959).



علي عبد الواحد وافي (رئيس قسم الفلسفة بجامعة القاهرة في كتابه الأسفار الثلاثية في الأديان السابقة للإسلام، يقول عن أنجيل برنابا: "بعض ما يشمل عليه هذا الكتاب نفسه يحمل على الظن بأنه موضوع (أي من وضع إنسان وليس موحى به)، فالإسلام ليس في حاجة إلى كتاب كهذا تحوم حوله شكوك كثيرة".


أ. د. محمود بن الشريف: يتحدث عن عدم وجود الأصل العبري للإنجيل، ووجود فقط نسخة إيطالية دليل على أنه لمفكر إيطالي إعترف بمحمد وبرسالته وبعيسى ورسالته فأخرج هذا الإنجيل ونسبه إلى برنابا.

و اليك بعض الروابط التى قد تفيدك في هذا الموضوع:

****
معرفش بصراحه الكتاب المقدس بنسخته الحاليه امتى ومين اللى حدد الاناجيل الصح وحرق ومنع اناجيل تانى
:)
مفيش اناجيل اتحرقت يا اخى الفاضل. يمكن حضرتك خلطت ما بين الأناجيل و بين حرق المصاحف على يد عثمان
عموما ليس من العيب ان لا تعلم لكن العيب انك ما تحاولش تعرف. و انا احييك على سؤالك مع انك لو كنت بحثت بنفسك كنت بكل سهوله هتوصل للي عايز تعرفه.
****
يا ريت احسن كل مصدرى عن الموضوع ده اسلاميه
عظيم جدا قولك ده لأنه فعلا علشان تتعرف على عقيده معينه اى كانت هذه العقيده...لازم ترجع لمصادر هذه العقيده و تعرفها من منبعها.
****
قبل ما نتكلم عن كيفية جمع اسفار الكتاب المقدس عايزة بس اعلق على نقطه اخري اثرتها:
بس فى ردك افتكرى النسخ الى بتظهر كل شويه من الاناجيل وليه حضرتك لما تكتشف نسخه جديده ترفضيها
عن اى نسخ تتحدث؟؟؟ هل تقصد "ترجمات"؟؟؟ ام تقصد نصوص غنوسيه مثل كتاب يهوذا مثلا او برنابا؟؟؟
*****
التدوينه كده طولت اوى :)
خلى موضوع الكتاب المقدس في تدوينه لوحده علشان ما يتشتتش.
موعدنا بعد الفاصل :)

8 Comments:

Blogger Amillennialist said...

Joh 1:1 فِي الْبَدْءِ كَانَ الْكَلِمَةُ وَالْكَلِمَةُ كَانَ عِنْدَ اللَّهِ وَكَانَ الْكَلِمَةُ اللَّهَ.

Exo 3:14 فَقَالَ اللهُ لِمُوسَى: «اهْيَهِ الَّذِي اهْيَهْ». وَقَالَ: «هَكَذَا تَقُولُ لِبَنِي اسْرَائِيلَ: اهْيَهْ ارْسَلَنِي الَيْكُمْ».

Joh 8:39 أَجَابُوا: «أَبُونَا هُوَ إِبْرَاهِيمُ». قَالَ لَهُمْ يَسُوعُ: «لَوْ كُنْتُمْ أَوْلاَدَ إِبْرَاهِيمَ لَكُنْتُمْ تَعْمَلُونَ أَعْمَالَ إِبْرَاهِيمَ!
Joh 8:40 وَلَكِنَّكُمُ الآنَ تَطْلُبُونَ أَنْ تَقْتُلُونِي وَأَنَا إِنْسَانٌ قَدْ كَلَّمَكُمْ بِالْحَقِّ الَّذِي سَمِعَهُ مِنَ اللَّهِ. هَذَا لَمْ يَعْمَلْهُ إِبْرَاهِيمُ.
Joh 8:41 أَنْتُمْ تَعْمَلُونَ أَعْمَالَ أَبِيكُمْ». فَقَالُوا لَهُ: «إِنَّنَا لَمْ نُولَدْ مِنْ زِناً. لَنَا أَبٌ وَاحِدٌ وَهُوَ اللَّهُ».
Joh 8:42 فَقَالَ لَهُمْ يَسُوعُ: «لَوْ كَانَ اللَّهُ أَبَاكُمْ لَكُنْتُمْ تُحِبُّونَنِي لأَنِّي خَرَجْتُ مِنْ قِبَلِ اللَّهِ وَأَتَيْتُ. لأَنِّي لَمْ آتِ مِنْ نَفْسِي بَلْ ذَاكَ أَرْسَلَنِي.
Joh 8:43 لِمَاذَا لاَ تَفْهَمُونَ كلاَمِي؟ لأَنَّكُمْ لاَ تَقْدِرُونَ أَنْ تَسْمَعُوا قَوْلِي.
Joh 8:44 أَنْتُمْ مِنْ أَبٍ هُوَ إِبْلِيسُ وَشَهَوَاتِ أَبِيكُمْ تُرِيدُونَ أَنْ تَعْمَلُوا. ذَاكَ كَانَ قَتَّالاً لِلنَّاسِ مِنَ الْبَدْءِ وَلَمْ يَثْبُتْ فِي الْحَقِّ لأَنَّهُ لَيْسَ فِيهِ حَقٌّ. مَتَى تَكَلَّمَ بِالْكَذِبِ فَإِنَّمَا يَتَكَلَّمُ مِمَّا لَهُ لأَنَّهُ كَذَّابٌ وَأَبُو الْكَذَّابِ.
Joh 8:45 وَأَمَّا أَنَا فَلأَنِّي أَقُولُ الْحَقَّ لَسْتُمْ تُؤْمِنُونَ بِي.
Joh 8:46 مَنْ مِنْكُمْ يُبَكِّتُنِي عَلَى خَطِيَّةٍ؟ فَإِنْ كُنْتُ أَقُولُ الْحَقَّ فَلِمَاذَا لَسْتُمْ تُؤْمِنُونَ بِي؟
Joh 8:47 اَلَّذِي مِنَ اللَّهِ يَسْمَعُ كلاَمَ اللَّهِ. لِذَلِكَ أَنْتُمْ لَسْتُمْ تَسْمَعُونَ لأَنَّكُمْ لَسْتُمْ مِنَ اللَّهِ».
Joh 8:48 فَقَالَ الْيَهُودُ: «أَلَسْنَا نَقُولُ حَسَناً إِنَّكَ سَامِرِيٌّ وَبِكَ شَيْطَانٌ؟»
Joh 8:49 أَجَابَ يَسُوعُ: «أَنَا لَيْسَ بِي شَيْطَانٌ لَكِنِّي أُكْرِمُ أَبِي وَأَنْتُمْ تُهِينُونَنِي.
Joh 8:50 أَنَا لَسْتُ أَطْلُبُ مَجْدِي. يُوجَدُ مَنْ يَطْلُبُ وَيَدِينُ.
Joh 8:51 اَلْحَقَّ الْحَقَّ أَقُولُ لَكُمْ: إِنْ كَانَ أَحَدٌ يَحْفَظُ كلاَمِي فَلَنْ يَرَى الْمَوْتَ إِلَى الأَبَدِ».
Joh 8:52 فَقَالَ لَهُ الْيَهُودُ: «الآنَ عَلِمْنَا أَنَّ بِكَ شَيْطَاناً. قَدْ مَاتَ إِبْرَاهِيمُ وَالأَنْبِيَاءُ وَأَنْتَ تَقُولُ: «إِنْ كَانَ أَحَدٌ يَحْفَظُ كلاَمِي فَلَنْ يَذُوقَ الْمَوْتَ إِلَى الأَبَدِ».
Joh 8:53 أَلَعَلَّكَ أَعْظَمُ مِنْ أَبِينَا إِبْرَاهِيمَ الَّذِي مَاتَ. وَالأَنْبِيَاءُ مَاتُوا. مَنْ تَجْعَلُ نَفْسَكَ؟»
Joh 8:54 أَجَابَ يَسُوعُ: «إِنْ كُنْتُ أُمَجِّدُ نَفْسِي فَلَيْسَ مَجْدِي شَيْئاً. أَبِي هُوَ الَّذِي يُمَجِّدُنِي الَّذِي تَقُولُونَ أَنْتُمْ إِنَّهُ إِلَهُكُمْ
Joh 8:55 وَلَسْتُمْ تَعْرِفُونَهُ. وَأَمَّا أَنَا فَأَعْرِفُهُ. وَإِنْ قُلْتُ إِنِّي لَسْتُ أَعْرِفُهُ أَكُونُ مِثْلَكُمْ كَاذِباً لَكِنِّي أَعْرِفُهُ وَأَحْفَظُ قَوْلَهُ.
Joh 8:56 أَبُوكُمْ إِبْرَاهِيمُ تَهَلَّلَ بِأَنْ يَرَى يَوْمِي فَرَأَى وَفَرِحَ».
Joh 8:57 فَقَالَ لَهُ الْيَهُودُ: «لَيْسَ لَكَ خَمْسُونَ سَنَةً بَعْدُ أَفَرَأَيْتَ إِبْرَاهِيمَ؟»
Joh 8:58 قَالَ لَهُمْ يَسُوعُ: «الْحَقَّ الْحَقَّ أَقُولُ لَكُمْ: قَبْلَ أَنْ يَكُونَ إِبْرَاهِيمُ أَنَا كَائِنٌ».

سبتمبر ١٣, ٢٠٠٩  
Blogger احساس لسه حى said...

وعليكم السلام

الف سلامة على بنتك واكيد لما ما بترضيش بيكون ليكة عذرك والدنيا شغلانا بحاجات كتير

****************

شوفى بدل انكر صلاحه التام الكامل يبقا بينكر الهويته

ومش معنى انه قال انه الراعى الصالح انه اقر بالهويته

لان كلامه عن الصلاح فى الاول كان عن الصلاح الكامل

لاكن لما قال فى المره التانيه على صلاحه بالنسبة للخراف فقط

زى ما انا اقول على نفسى رحيم او عزيز مش معنى كده انى الرحيم او العزيز لان الله هو الرحيم والعزيز وان فيه صفة من الرحمة او العزه ما بقاش انا صاحب الصفة


لَيْسَ أَحَدٌ صَالِحًا إِلاَّ وَاحِدٌ وَهُوَ اللهُ


الكلمة دى عندى كفايه علشان تخلينى اقتنع انه قال انا مش اله

وعلى كلامك لو قال لحد انه صالح فى الكتاب المقدس كنتم اعتبرتوه اله برضوا

لَيْسَ أَحَدٌ صَالِحًا إِلاَّ وَاحِدٌ وَهُوَ اللهُ

وكمان كفايه انه قال واحد مش محتاجه اى فهم وحيته انه واحد وتلاته دى مش داخله عقلى ولا قابلها

وكمان موضوع الاتحاد ده مش مقبول انه المسيح كان عايش بروحين والروحين دول غير بعض يعنى شويه روح تكون والتانيه مش عارف هتكون فيه وتخرج دى وترجع التانيه فى اله معقد كده طيب ما كان خلى المسيح بطبيعه الاهيه وخلاص ولا بقوا فى مسيحين واحد ناسوتى والتانى لاهوتى

******************


امال الموضوع التانى

ما موضوع اللبس ده كان مثل بس

والاحتشام يعنى مقداره بيتغير فى كل زمان يعنى زمان كان الست تكون شبه محجبه ده الااحتشام اللى يطلبه البابا والقسيسين

ودلوقتى بقه الاحتشام يتغير حسب البلد فى مصر لاننا محافظين بلاش فوق الرقبه وبلاش الكتب لاكن فى الغرب ممكن يبقا المينى بس بلاش فتحة البطن

ما المبدأ ده مبقاش موجود وكل قسيس ليه مبدأ يقبله ويرفضه حسب هو عايش فين وبيتعامل مع مين

ومش عارف حضرتك كل ما اقولك الكنيه تقوليلى هو انت بتروح

ما دلوقتى وانا فى بيتى بشوف الكنايس وبشوف اللى جواها ما يلبسون وما يفعلون سواء كنايس هنا او بره

وموضوع النماذج دى مش بعترض عليها بس فى حرمة رجال الدين وداخل دور العبادة لازم النماذج تكون واحده او قريبه مش يبقا اللبس ملهوش حدود والعرى عادى ورجل الدين بيتفرج


اما موضوع النصح ما انا قوتلك الشاب اشتكى من لبس النساء فى الكنيسه والاحمر والاخضر والبابا شنوده قاله لبسهم مفهوش حاجه

يعنى الشاب راى عدم الحشمه والبابا راى عدم الحشمه عادى

وبلاش نتكلم فى نقطة اللبس لاننا اتكلمنا كتير عليها

يعنى انتى بتصورى ليه ان القسيس يوم زواجهم ووقت العرس كان بينه وبينهم حوار وملامه وارشاد للتوبه

والله كويس ده بيعمل اللى عليه وزياده

ارشاد ايه وبقيت البنت فى الغرب العادى بتعها تعمل علاقه بدون زواج والمجتمع قابل وراضى بكده


خدى بالك اللى حامى المسيحيه هنا ومخلهاش زى الغرب هو الدين الاسلامى اللى مش هيقبل حاجه زى دى فى مجتمعه

**************

سبتمبر ١٤, ٢٠٠٩  
Blogger احساس لسه حى said...

طبعا زى المراه من الثوابت ان الحجاب هو الزى تقريبا اللى عليه اجماع


اما النقاب ففيه اختلاف

ومهما كان الخلاف ففيه عندها ائمة كبار ليهم تفاسير وانتى تختارى منهم

ودايمن الانسان يحاول يختار اللى عليه اجماع

**************************


يا عزيزتى

موضوع التفاسير موضوع كبير علشان كده انا بعتز بقرانى اوى عارفه ليه

لانى دايمن لما هكلمك واتحاول معاكى هجيب من كتابك المقدس بس مش هجبلك تفسير القسيس فلان ولا البابا فلان

كتابك المقدس بيه من الاخطاء ما يكفينى لان اتكلم عليه وانتى جيبى التفسير اللى تشوفيه

وطبعا انتى متقدريش تنكرى ما به من كلام واضح

اما المسيحين بيجيبوا كلام وتفاسير واحاديث انا اقدر اقول انى مش معترف بالتفسير ده

واظن ان ده مش قران لو نكرته حرام على شوفتى انا بجيب حقايق انتى معترفه بيها وغيرى بيجيب ما لا اعترف بيه

وانتى بتقولى ممكن حد فى ايران او تركيا ياخد تفسير انا مش مؤمن بيه يبقا لما تكلمى حد تجبيله من اللى بياخد بيه وبيؤمن بيه مش تختارى على كيفك

طبعا الكلام لخادم المسيح

وانا لما جبتله انجيل برنابا جبته كمثل من اناجيل كتير موجوده

وخدى اتفرجى على الفليم ده اللى مش مسلمين اللى عملينه

http://www.youtube.com/watch?v=LakVxGiErDA&eurl=http%3A%2F%2Fvideo%2Egoogle%2Ecom%2Fvideosearch%3Fhl%3Dar%26source%3Dhp%26q%3D%25D8%25A7%25D9%2584%25D8%25A7%25D9%2586%25D8%25A7%25D8%25AC%25D9%258A%25D9%2584%2B%25D8%25A7%25D9%2584%25D9%2585%25D9%2581&feature=player_embedded#t=12


وكل ما عليكى انك تكتبى فى جوجل الاناجيل المفقوده او المحروقه او المحرفه وهتعرفى معلومات كتير

ومستنى اعرف من حضرتك كيفية جمع الكتاب المقدس ومين جمعها وباى صفة جمعها وليه رفض اناجيل وليه قبل غيرها

ده سؤالى الاساسى

بس اهم شئ يكون مصدرك موثوق منه علشان مقدرش اشكك فيه

مستنى ردك فى اقرب فرصة والف سلامة على بنتك

سبتمبر ١٤, ٢٠٠٩  
Blogger احساس لسه حى said...

انا بس بسأل واطمن

ان شاء الله يكون المانع خير

مستنى نكمل الحوار

سبتمبر ٣٠, ٢٠٠٩  
Blogger فرعون said...

العزيزة بنت النيل
سلام ونعمة من الرب يسوع اليك والى افراد اسرتك
واتمنى من رب المجد ان تكون بنتك بخير . والرب يشفيها .امين

لقد قرات الموضوع واعجبنى جدا فى ردك على الاستاذ احساس
واعتقد انه مش هيقتنع

ويخرج من الحوار الى الشبهات فى الكتاب المقدس

كما انه لم يجيب على اسئلتى فى المدونة ويهرب من سؤال بقاله شهر مش عايز يجاوب عليه

عموما اشكرك على الالقاء الواضح للموضوع
تحياتى

أكتوبر ٠٥, ٢٠٠٩  
Blogger Slot Togel Casino Bola Online said...

That's best Articles I have ever see. Thank's mate. Give

a billion thumbs for you
<"a href="http://goo.gl/S459lq>

مايو ١٨, ٢٠١٦  
Anonymous http://daftarjudibola.biz said...

Judi Online

مايو ١٨, ٢٠١٦  
Blogger vegas99bet said...

Agen Daftar Slot Mesin Terpercaya 2018
Situs Daftar Bola Tangkas 2018
Agen Casino Resmi Terbesar 2018
Situs Mix Parlay Indonesia 2018
Bandar Judi Slot Mesin Terpercaya
Bandar Judi Togel Terbesar 2017
Trik Cara Menang Main Dadu Sicbo

نوفمبر ٢٥, ٢٠١٧  

إرسال تعليق

<< Home