ردا على سؤال "احساس لسه حي" بخصوص زى المرأه في المسيحيه

قدسوا الرب الاله في قلوبكم مستعدين دائما لمجاوبة كل من
يسألكم عن سبب الرجاء الذي فيكم

بطرس 3:15

سؤال الأخ "احساس لسه حي" اللي طرحه في تعليق على تدوينه سابقه يقول:

انا جيت اوضحلك
السؤال بتاع شنوده وبولس اللى سالته لخادم المسيح ميت مره ومردش


بس اشرحلك شئ قبل السؤال كان الكلام عن لبس النساء فى المسيحية
والااسلام


انتى عارفه ان الحجاب هو اللبس الاسلامى للمراه اللى مفهوش
اختلاف

يعنى غيره سواء نقاب او مش حجاب اراء ممكن قليلين يؤمنوا بيها بس
عندنا الحجاب مفهوش خلاف تقريبا وعليه اجماع


وده من اول الاسلام لحد الف سنه قادمة

لان عندنا اساسيات لا تتغير فى ديننا مهما
تغير الزمان لان
الدين واحد


كان سؤالى للاستاذ خادم الممسيح

اللبس اللى بتلبسه المسيحيات دلوقتى امام القسيسين والبابوات لبس يقبله الدين المسيحى ولا يرفضه

يعنى اللى بتخش على البابا شتوده بليس عارى نوعا ما وهو لا يعترض على هذا اللبس لانه مش مخالف للمسيحية

لو دخلت على بولس بيه كان هيقول عليها ايه

ينفع اللى بتخش على شنوده بلبس دلوقتى ان تخش على بولس بنفس اللبس

اكيد لو دخلت على بولس كان هيقول حرام وغلط والله اعلم
كان الموضوع يوصل لايه

اما ما تغير الزمان فما لا يقبله بولس يقبله شنوده

ويمكن يتطور الزمان بدل الشئ ده غير محكوم بدين ومحكوم بتغير
الزمن ان يوم يخشوا على القسيس بالبكينى فى هاواى لان ده لبس هذا الزمن

المهم علشان متهيش وتردى بكلام كتير وتنسى الاجابه على سؤالى

هى ما يقبله شنوده من المسيحيات فى اللبس كان يقبله بولس الرسول ولا كان هيعترض عليه

مستنى اجابه واحده يا كان
هيقبله او يرفضه وبعد كده استنى ردى ونتحاور لو حبيتى

الاجابة اللى لم يرد عليها خادم المسيح رغم تكرارى للسؤال

الفاضل احساس لسه حى

سؤالك عزيزي و بالصيغه اللي تفضلت و طرحته بيها لا يمكننى ان ارد عليه بمجرد "نعم" او "لا". ليس لأنى اريد ان اتهرب من اجابه مباشره و لكن لأنك طرحت العديد من النقاط التى لا يمكن تجاهلها و بنيت سؤالك على افكار معينه يجب ان نناقشها لو اردت ان اكون امينه معك في الرد.

اولا: حضرتك تسألنى عن رد فعل البابا شنوده او بولس الرسول و كأنى اعلم الغيب او استطيع ان اتكلم بالنيابه عنهما!!! و ممكن ارد عليك اقول "مع احترامي...بتسألنى انا ليه ما تسألهم هم"!!!!!!!!:) .... لكن كل اللي اقدر اعمله انى استنتج او اخمن ردهم بناء على تعاليم السيد المسيح و الكتاب المقدس

طيب تعال نشوف الكتاب المقدس بيعلمنا ايه عن احتشام المرأه

سفر الأمثال 31 : 30
30 الحسن غش والجمال باطل . اما المرأة المتقية الرب فهي تمدح . 31 اعطوها من ثمر يديها ولتمدحها اعمالها في الابواب

رسالة بطرس الأولى 3 : 1

3 ولا تكن زينتكنّ الزينة الخارجية من ضفر الشعر والتحلي بالذهب ولبس الثياب 4 بل انسان القلب الخفي في العديمة الفساد زينة الروح الوديع الهادئ الذي هو قدام الله كثير الثمن


الرسالة الأولى إلى تيموثاوس 2 : 9

وكذلك ان النساء يزيّنّ ذواتهنّ بلباس الحشمة مع ورع وتعقل لا بضفائر او ذهب او لآلىء او ملابس كثيرة الثمن 10 بل كما يليق بنساء متعاهدات بتقوى الله باعمال صالحة .

واضح من النصوص السابقه ان الكتاب المقدس يعلمنا الأحتشام و السلوك بنقاء و تقوي.... و ده كلام يصلح لكل مكان و زمان لأنه يتعلق بسلوك الأنسان نفسه و ليس بالظروف المحيطه به.

و بناء عليه فلو القديس بولس او البابا شنوده او اى ااب كاهن شاف سيده او بنت مسيحيه لابسه لبس غير لائق فأعتقد انه هينصحها و يعلمها الكتاب بيقول ايه عن سلوك الانسان المسيحي

ثانيا صيغة سؤالك نفسها فيها خطأ. انت تسأل عن ما يرضي به البابا شنوده او بولس الرسول او اى اب كاهن. و انا اقول لك يا سيدي ا لفاضل اننا كمسيحيين لا نسعى لفعل ما يرضي اى انسان مهما كانت محبتنا له و اعتزازنا بيه و مهما كانت مكانته في الكنيسه

لأنه

(ينبغي ان يطاع الله اكثر من الناس(اعمال 5:29

و كما يقول القديس يوحنا ذهبي الفم

ليكن ضميرنا بعد الله قانوناً ورقيباً لنا في كافة الامور حتي اذا عرفنا مصدر هبوب الرياح وجهنا نحوها الاشرعة

يعنى انا كمسيحيه عندي تعاليم الكتاب المقدس و وصايا ربي اليّ... و فيّ الروح القدس يرشدنى .... و لازم اكون انا اول رقيب على نفسي بدون الحاجه لأى فرض خارجي يملي علي ما افعل و ما لا افعل. انا رقيب نفسي مسؤوله عن تصرفاتى و مسؤله عن سلوكي و مظهرى

ايمانى علاقه بيني و بين الهي ....علاقه محبه اريد فيها ان افعل ما يفرح قلبه و يرضيه .... ليس ما يرضي القديسين و الآباء الكهنه!!

ثالثا: انت تقول: اللبس اللي بتلبسه المسيحيات امام القسيسين

و اتساءل انا بدوري.... ما هو هذا اللبس الذي تقصده و هل حضرتك شفت كل بنت مسيحيه في العالم بتلبس ايه علشان تعمم قولك؟؟؟

اتمنى انى اكون وفقت في الرد على سؤالك و مرحبا بك و بأسئلتك و نقاشك

ربنا معاك